LP: Bag

Mahilig talaga ako sa bag. Isa ito sa namana ko sa aking ina. Hindi naman ako partikular sa brand o kung ano ang yari nito, basta pag gusto ko eh binibili ko. Ngunit nung ako'y naging isang simpleng maybahay na lamang at nagkaroon ng anak, natuwa ako sa mga modernong diaper bag na nabibili sa mall.

Tulad nitong bag na ito na regalo sa akin ng aking asawa nung Mother's Day. Ito ay bag mula sa Baby Couture. Hindi halatang diaper bag siya di ba? Madami siyang bulsa na pwede mong paglagyan ng kung ano-anong bagay na kailangan ng iyong anak sa tuwing kayo ay lalabas para mamasyal. Sa totoo lang, meron pa akong isang diaper bag na mas malaki dito.

Pero nung dumating ang aking tiyahin galing Amerika, ito ang isa sa aking pasalubong. Isang bag na pwede mo pagpalit-palitin ang panlabas na anyo nito. Gustong-gusto ko itong bag na ito ngunit hindi ko pa siya nagagamit, dahil madalas kasi na kasama ko lagi ang anak ko pag lumalabas kami kaya diaper bag lagi ang bitbit ko. Pero malapit ko na ito gamitin, siguro pag inaya ako ng date ng mahal kong asawa hehehe.

Mahilig ka ba mangolekta ng bag? Ating alamin ang lahok ng ibang miyembro dito.