LP: Paboritong Alahas

Hindi naman talaga ako mahilig gumamit ng alahas . Mas gusto ko isuot yung mga yari sa beads. Hindi din ako mahilig magsuot ng singsing at kwintas. Pero nung ibinigay sa akin ito ng aking asawa nung hindi pa kami kinakasal, lagi ko na siya sinusuot kung san man ako pumunta. Ito kasi ang engagement ring na binigay niya sa akin. Hindi naman kailangan maging diamond ang isang engagement ring di ba?

At siyempre nung kami ay ikinasal na, eto ang naging paborito kong alahas ... ang aming wedding ring.

Palagi ko sila sinusuot lalo na pag may espesyal na okasyon. Ngunit kung kami lang ay lalabas para pumunta ng mall o pupunta ng construction site si mister, eto ang sinusuot namin mag-asawa:

Ito ay gawa sa silver lamang. Hindi kasi kumportable si mister na gamitin ang wedding ring niya pag nagtatrabaho siya sa site.

Alamin natin ang mga paboritong alahas ng ibang miyembro dito.